Распрацоўка першага ўрока на тэму: “На цябе, наша моладзь, надзея!”
Класны кіраўнік 11 класа Раўнейка В. В.
Распрацоўка першага ўрока на тэму: “На цябе, наша моладзь, надзея!”
Задача: выхаванне ў дзяцей і моладзі пачуцця гонару за дасягненні нашай краіны за гады незалежнасці, павагі да яе герояў, грамадзянскай адказнасці, ініцыятыўнасці і творчай актыўнасці.
Абсталяванне:
- выстава кніг, прысвечаных Беларусі і яе знакамітым людзям;
- карта Беларусі;
- герб і сцяг нашай краіны;
- надпісы на дошцы.
- Пачынаем урок з верша А. Сумнага “Маладосць”.
- У нашай краіне вялікая ўвага ўдзяляецца тым, хто з’яўляецца будучым для дзяржавы. І яна, наша Беларусь, бярэ на сябе абавязак даць вам, маладым, жыццёвы трамплін і базавыя гарантыі ўпэўненасці ў заўтрашнім дні. А ва ўсім павінна быць аддача.
У пацверджанне гэтаму можна прывесці і словы Прэзідэнта Рэспублікі Беларусь А. Р. Лукашэнкі:”Кампетэнтнасць, ініцыятыўнасць, самастойнасць і, галоўнае, сацыяльная адказнасць за будучыню краіны—менавіта гэтыя якасці павінны быць у нашых маладых людзей.”
- Мы павінны несці адказнасць за ўсё, што адбываецца ў нашай краіне. Рабіць выбар—гэта не заўсёды лёгкая справа. 11 кастрычніка 2015 года адбудуцца выбары Прэзідэнта Рэспублікі Беларусь.
Пытанне да вучняў: чаму павінны свой выбар зрабіць усе беларусы?
4 .Бо ўсё залежыць ад нас: у якой краіне будзем жыць і як будзем жыць. Ад таго, як працуем, з якой аддачай, бачна і эканамічнае развіццё краіны (цяжкая прамысловасць- камбайны, трактары, кар’ерныя самазвалы, лёгкая прамысловасць- апрацоўка ільновалакна, харчовая- малако, мяса, бульба).
5. І гэта ўсё робіцца не само сабой, а часам цяжкай працай людзей. А што можам і чаго хочам мы? Пажаданні запісваем на дошцы.
6. Важнае месца ў жыцці кожнага народа займае спорт: біятланісты Дар’я Домрачава, Надзея Скардзіна, фрыстайлісты Ала Цупер, Антон Кушнір, гімнастка Меліціна Станюта.
7. А ці можа існаваць краіна без гісторыі? Адказы вучняў.
8. Даем азначэнні наступным паняццям: герб і сцяг, будучыня, гісторыя, спорт.
9. Заканчваем урок вершам П. Броўкі “Заклік”.
Маладосць
У маладосці свой асаблівы зрок:
Усё ёй бачыцца магчымым.
Заўжды ў маладосці шпаркі крок,
І ў жыцці яна з поглядам шчаслівым.
Ты малады—ужо і гэтым ты шчаслівы,
І кожны дзень ты за свята прызнаеш,
Час для цябе ляціць імкліва,
І душы сваёй ты адпачынку не даеш!
Маладосць—гэта шчасце, радасць і вясёлы смех,
І ўсім жаданням—выкананне!
Маладосць—гэта вочы любай і фата, як снег,
І шчасце вечнага кахання!
Алесь Сумны
Заклік
Ляці ж увысь,
Шырэй узмахі,
Каб зорку ўласную знайсці.
Пускайся ўброд,
Не ведай страху,
Бо шмат нязнанага ў жыцці.
Віхор, віры
Спрабуй адолець,
Які б твой шлях
Ні быў цяжкі.
Плыві, ўзлятай,
Не бойся болю,
З часамі сыдуць сінякі.
Пятрусь Броўка